මෙවර ජනාධිපතිවරණයට ඉදිරිපත්ව සිටින කිසිදු අපේක්ෂකයකුට තමාගේ සහාය ලබා නොදෙන බව හිටපු ජනාධිපති මෛත්රීපාල සිරිසේන මහතා පවසනවා.
ඒ අනුව ඇතැම් මාධ්යත් ආණ්ඩුවේ සහ විපක්ෂයේ දේශපාලනඥයිනුත් තමන් පිළිබඳව කරන ප්රකාශවල කිසිදු සත්යතාවයක් නොමැති බවයි ඒ මහතා සඳහන් කරන්නේ.
මෛත්රීපාල සිරිසේන මහතා විසින් මේ සම්බන්ධයෙන් නිවේදනයක් නිකුත් කරමින් වැඩිදුරටත් පවසා ඇත්තේ ශ්රී ලංකා නිදහස් පක්ෂයේ අභ්යන්තරයේ ඇති වී තිබෙන ගැටලුව මේ වන විට අධිකරණය ඉදිරියේ පවත්නා බැවින් ශ්රී ලංකා නිදහස් පක්ෂයේ ව්යවස්ථාව යටතේ සම්පූර්ණ බලතල පක්ෂයේ සභාපතිවරයා සතු බවයි.
එබැවින් වෙනත් කිසිදු නිලධාරියකු විසින් ගනු ලබන තීරණ හා පත්කිරීම් නීත්යානුකූල නොවන බව එම නිවේදනයේ දක්වා තිබෙනවා.
