ඩේලි මිරර් සහ ලංකාදීප පුවත්පත් විසින් පවත්වනු ලබන සජීවී ජනාධිපති විවාදයක් සඳහා ඩේලි මිරර් නැවත වරක් ප්රධාන ජනාධිපති අපේක්ෂකයින් වන රනිල් වික්රමසිංහ, සජිත් ප්රේමදාස, නාමල් රාජපක්ෂ සහ අනුර කුමාර දිසානායක වෙත විවෘත ආරාධානයක් කර තිබෙනවා.
ඩේලි මිරර් පුවත්පත විවාදයක් සඳහා අපේක්ෂකයින්ට ආරාධනා කරන දෙවන අවස්ථාව මෙයයි.
මීට මාස දෙකකට පෙර සිදු කළ මුල්ම ආරාධනයේ දී ජාතික ජන බලවේගයේ නායක අනුර කුමාර දිසානායක පමණක් ආරාධනාව පිළිගත් අතර ජනාධිපති වික්රමසිංහ එය ප්රතික්ෂේප කරනු ලැබුවා.
සජිත් ඊට ප්රතිචාරයක් දක්වා තිබුණේ නැහැ.
“මෙය එකිනෙකාගේ බෙල්ල කැපීමට හෝ කිසිවකුට සමච්චල් කිරීමට වේදිකාවක් නොවේ. විවාදයක් සඳහා වේදිකාව පමණයි.. අපේක්ෂකයින් අභියෝගය භාරගනු ඇතැයි අපි බලාපොරොත්තු වෙනවා.” ඩේලි මිරර් ප්රධාන කර්තෘ ජමිලා හුසේන් පවසා තිබෙනවා.
ඒ අනුව,මීළඟ ජනාධිපතිවරයා පිළිබඳ තීරණය කිරීමට සති කිහිපයක් ඉතිරිව තිබිය දී නැවතත් එම ආරධනය සිදු කරන බවයි පුවත්පත පවසා ඇත්තේ.
