2025 පළාත් පාලන මැතිවරණයේදී රටේ ජනතාව විසින් විපක්ෂයට බහුතර බලය ලබා දී ඇති පළාත් පාලන ආයතනවල බලය පිහිටුවීම සම්බන්ධයෙන් විපක්ෂයේ ප්‍රධාන දේශපාලන පක්ෂ දෙකක් පොදු එකඟතාවයකට එළැඹී තිබෙනවා.
මේ සම්බන්ධයෙන් සමගි ජන බලවේගය සහ එක්සත් ජාතික පක්ෂය අතර අද දින (19) විශේෂ සාකච්ඡාවක් පැවැත්වුණා.
එහිදී මේ සම්බන්ධයෙන් වන ප්‍රතිපත්තිමය කරුණු පිළිබඳව විශේෂයෙන් සාකච්ඡා කරන ලද අතර, එහිදී විපක්ෂයේ අනෙකුත් පාර්ශවයන් සමඟ එක්ව මෙම සභාවල බලය පිහිටුවීම සඳහා වන එකඟතාවයට සාර්ථකව එලඹීමට හැකි වූ බව අභ්‍යන්තර ආරංචි මාර්ග සඳහන් කරනවා.
