ඊශ්රායලයට එල්ල කළ නවතම ප්රහාරවලදී ඉරානය ඔවුන්ගේ නව බැලස්ටික් මිසයිලයක් භාවිත කර තිබෙනවා.
රාජ්ය අනුබද්ධ ප්රවෘත්ති වාර්තාවලට අනුව ඉරානය භාවිත කරන මෙම නවතම මිසයිලය වන්නේ “Haj Qassem” හජ් කාසෙම් මිසයිලයයි. “Shahid Haj Qasem” ලෙසද හැඳින්වෙන එය ඉරාන මධ්යම දුර බැලස්ටික් මිසයිලයක් වන අතර මියගිය ඉරාන ජෙනරාල් කාසෙම් සොලෙයිමානිගේ නමින් නම් කරනු ලැබූවකි.
ඉරාන ආරක්ෂක අමාත්ය ජෙනරාල් අසීස් නසීර්සාදී මැයි 4 වන දින ඉරාන රූපවාහිනියට පැවසුවේ නව මිසයිලයට ඊශ්රායලයට යොදවා ඇති එක්සත් ජනපද හමුදාවේ (THAAD) ගුවන් ආරක්ෂක පද්ධතිය මෙන්ම ඊශ්රායලය භාවිතා කරන පේට්රියට් මිසයිල ආරක්ෂක ඇතුළු අනෙකුත් ආරක්ෂක පද්ධති පසුකර යාමට හැකියාව ඇති බවයි.
ඉරානය මැයි මස මුලදී මිසයිලය එළිදැක්වූ අතර, එය ඝන ඉන්ධන සහිත බවත්, කිලෝමීටර් 1,200 ක පරාසයක් ඇති බවත්, මිසයිල ආරක්ෂක පද්ධති විනිවිද යාමට හැකි උපාමාරු කළ හැකි යුධ හිසකින් සමන්විත බවත් ඉරානයේ තස්නිම් ප්රවෘත්ති ඒජන්සිය පවසනවා.
