පාරිභෝගික කාන්තාවකට අමානුෂික ලෙස පහරදීමේ සිද්ධියක් සම්බන්ධයෙන් බොරැල්ල කාගිල්ස් සුපිරි වෙළඳසැලක කාර්ය මණ්ඩල සාමාජිකයින් පස් දෙනෙකු අත්අඩංගුවට ගෙන තිබෙනවා.
එම සුපිරි වෙළඳසැලේ කාර්යමණ්ඩල සාමාජිකයින් පිරිසක් කාන්තා පාරිභෝගිකයෙකුට අමානුෂික ලෙස පහර දෙන අයුරු දැක්වෙන වීඩියෝවක් සමාජ මාධ්ය තුළ ප්රචලිත වීමෙන් පසු පොලිසිය පරීක්ෂණ ආරම්භ කරනු ලැබුවා.
මෙම සිද්ධිය හංවැල්ල ප්රදේශයේදී සිදුව ඇති බවටයි මුලදී වාර්තා වුණේ. කෙසේ වෙතත් පසුව අනාවරණ වූයේ මෙම සිද්ධිය බොරැල්ලේ අලෙවිසැලක සිදුව ඇති බවයි.
සැකකටයුතු සොරකමකට ප්රතිචාර වශයෙන්, අලෙවිසැලේ සිටි පිරිමි සහ කාන්තා සේවකයින් කිහිප දෙනෙකු පාරිභෝගිකයාට අමානුෂික ලෙස පහර දෙන ආකාරය CCTV දර්ශනවල සටහන් වී තිබුණා.
මෙම සිදුවීම සැප්තැම්බර් 18 වැනි දින සිදුව ඇති බවයි වාර්තා වෙන්නේ. කෙසේ වෙතත් එම වීඩියෝව සමාජ මාධ්ය තුළ ප්රචලිත වන තුරු කිසිදු පැමිණිල්ලක් ඉදිරිපත් වී නොතිබුණු බව සඳහන් වෙනවා.
සිද්ධිය සම්බන්ධයෙන් බොරැල්ල පොලිසිය වැඩිදුර පරීක්ෂණ සිදුකරයි.
මීට පෙර සුපිරි වෙළඳසැලේ කළමනාකාරීත්වය ද මාධ්ය නිවේදනයක් නිකුත් කරමින් සඳහන් කළේ වගකිව යුත්තන්ට එරෙහිව දැඩි පියවර ගන්නා බවයි.
පෙර පුවත්..
