නොවැම්බර් මාසයේ ඉදිරිපත් කෙරෙන අයවැයෙන් පසු ජනාධිපති රනිල් වික්‍රමසිංහ මහතා විසින් කැබිනට් මණ්ඩලය සහ ආරක්ෂක නිලයන් ඇතුළු රජයේ ඉහළම තනතුරුවල දැඩි වෙනස්කම් සිදුකිරීමට ඉඩ ඇති බව වාර්තා වේ.
ඇතැම් අමාත්‍යවරුන්ට සිය අමාත්‍ය ධුරවල කටයුතු කිරීමට නොහැකිවීම සහ ඇතැම් ඉහළ ආරක්ෂක තනතුරුවල වෙනසක් සඳහා ඉල්ලීමක් සම්බන්ධයෙන් අවධානය යොමු කර මෙම පියවර ගෙන තිබේ.
නව පොලිස්පතිවරයෙකු පත්කිරීමේ පොර බැඳීම මධ්‍යයේ, C. D. වික්‍රමරත්න මහතා පොලිස්පති ධුරය සඳහා තවත් සති තුනක කාලයකට පත් කරනු ලැබීය. නියෝජ්‍ය පොලිස්පති දේශබන්දු තෙන්නකෝන් මහතා ආණ්ඩුක්‍රම ව්‍යවස්ථා සභාවට නිර්දේශ වූ පසු ඔහුු මීළඟ පොලිස්පතිවරයා ලෙස තේරී පත්වනු ඇතැයි ආරංචි මාර්ග පවසයි. දේශබන්දු තෙන්නකෝන් මහතාට මහජන ආරක්ෂක අමාත්‍ය ටිරාන් අලස්ගේ සහය ලැබී ඇති අතර ජනාධිපතිවරයාගේ අනුමැතිය ද හිමිවනු ඇත.
සිදුකිරීමට නියමිත කැබිනට් සංශෝධන යටතේ අමාත්‍යාංශ වෙනස් කරනු ලබන අමාත්‍යවරුන් අතරින් දෙදෙනෙකු සෞඛ්‍ය අමාත්‍යවරයා සහ ක්‍රීඩා අමාත්‍යවරයා වේ.
සෞඛ්‍ය අමාත්‍ය කෙහෙළිය රඹුක්වැල්ල මහතාට සෞඛ්‍ය අමාත්‍යවරයා ලෙස කටයුතු කිරීමට නොහැකිවීම හේතුවෙන් මාස කිහිපයක සිට දැඩි අර්බුදකාරී තත්ත්වයකට පත්ව ඇතැයි රජයේ ජ්‍යෙෂ්ඨ ආරංචි මාර්ග සඳහන් කරයි.
ජනාධිපතිවරයාගේම පක්ෂය වන එක්සත් ජාතික පක්ෂය 2025 මහ මැතිවරණයට සූදානම් කරවීම සඳහා නොවැම්බර් මාසයේ අයවැයෙන් පසු බිම් මට්ටමේ ප්‍රචාරක ව්‍යාපාරයක් ආරම්භ කරන ලෙස එක්සත් ජාතික පක්ෂයේ සියලුම සාමාජිකයින්ට දැනුම් දී ඇති බව ද වාර්තා වී තිබේ.
