චීන පර්යේෂණ නෞකාවක් වන Shi Yan 6 හි ඉදිරි සංචාරය පිළිබඳව එක්සත් ජනපද උප ලේකම් වික්ටෝරියා නුලන්ඩ්, විදේශ අමාත්‍ය අලි සබ්‍රි සමඟ පැවති සාකච්ඡාවේදී, කණස්සල්ල පළ කර ඇති බව වාර්තා වේ.
ශ්‍රී ලංකාව මධ්‍යස්ථ රටක් ලෙස ශ්‍රී ලංකා භූමිය තුළ ඕනෑම ක්‍රියාකාරකමක් සිදු කිරීමේදී විදේශීය නැව් සහ ගුවන් යානා අනුගමනය කළ යුතු සම්මත මෙහෙයුම් ක්‍රියා පටිපාටිය (SPO) සකස් කර ඇති බව අමාත්‍ය සබ්‍රි ඇයට දන්වා තිබේ.
එමඟින් සියලුම රටවල් සඳහා මෙම ප්‍රවේශය ශ්‍රී ලංකාව සමපාත කර ඇති බවත් එහි ප්‍රතිඵලයක් ලෙස චීනය පමණක් එම ක්‍රියාවලියෙන් බැහැර කළ නොහැකි බවත් අමාත්‍යවරයා ඇයට පැවසූ බව වාර්තා වේ.
මීට පෙර ජනාධිපති රනිල් වික්‍රමසිංහ මහතා ද පැවසුවේ විදේශ යාත්‍රා සඳහා නව නීති සකස් කර ඇති බවයි.
ජාතික ජලජ සම්පත් පර්යේෂණ හා සංවර්ධන නියෝජිතායතනය (NARA) සමඟ එක්ව පර්යේෂණ සිදු කිරීම සඳහා චීන පර්යේෂණ නෞකාව ඔක්තෝම්බර් මාසයේදී ශ්‍රී ලංකාවට පැමිණීමට අපේක්ෂා කෙරේ.
පෙර පුවත..
ඉන්දියාවේ කණස්සල්ල දුරු කරමින් ශ්‍රි ලංකා මුහුදු කලාපයට ඇතුළුවන නෞකා සහ ගුවන් යානාවලට අලුත් නීති
