ශ්රී ලංකාව එක්සත් අරාබි එමීර් රාජ්යය සමඟ එහි වෙසෙන ‘සැලකිය යුතු’ අපරාධකරුවන් සංඛ්යාවක් අත්අඩංගුවට ගෙන නීතිමය ක්රියාමාර්ග සඳහා ඔවුන්ව මෙහි ගෙන ඒමට කටයුතු කරමින් සිටින බව මහජන ආරක්ෂක අමාත්ය ටිරාන් අලස් මහතා පවසා තිබෙනවා.
එක්සත් අරාබි එමීර් රාජ්යයේ විශේෂයෙන්ම ඩුබායි වැනි නගරවල වෙසෙන ශ්රී ලාංකික සංවිධානාත්මක අපරාධකරුවන් සහ ඔවුන්ගේ සහචරයින් හරහා මෙහි අපරාධ ක්රියාකාරකම් ක්රියාත්මක කිරීම පිළිබඳව වාර්තා වේ.
අමාත්යවරයා පවසා ඇත්තේ ඔවුන් සොයා ගැනීම සඳහා රජය එක්සත් අරාබි එමීර් රාජ්යයේ බලධාරීන් සමඟ නිරන්තරයෙන් සම්බන්ධ වන බවයි.
නමුත් අමාත්යවරයා එහි සිටින අපරාධකරුවන් සංඛ්යාව නිශ්චිතව සඳහන් නොකරයි. ඔවුන්ගෙන් සාධාරණ සංඛ්යාවක් එහි වාසය කරන නමුත් නිශ්චිත තොරතුරු තමාට නොමැති බව ඔහු සඳහන් කර ඇති බව වාර්තා වේ.
මේ වසරේ මුල් භාගය තුළ ශ්රී ලංකාව තුළ වෙඩි තැබීම් 34ක් වාර්තා වී 20 දෙනකුට මරු කැඳවමින් 13 දෙනකුට තුවාල සිදු විය. මෙම අපරාධකරුවන් විසින් සිදු කරනු ලබන සාමාන්ය සංවිධානාත්මක අපරාධ වන්නේ මිනීමැරුම් සහ මත්ද්රව්ය ජාවාරම් ය.
