ශ්‍රී ලංකාවේ තොරතුරු හා සන්නිවේදන තාක්ෂණ (ICT) අංශය පුහුණු ශ්‍රම බලකායේ හිඟයකට මුහුණ දී සිටින අතර බොහෝ දෙනෙක් දැනටමත් රට හැර ගොස් ඇති බව EconomyNext වාර්තා කර තිබෙනවා.
Digiecon-2030 සැලැස්ම යටතේ 2030 වන විට ආර්ථිකයට අවම වශයෙන් ඩොලර් බිලියන 15 ක දායකත්වයක් ලබා දීම සඳහා ඩිජිටල් ආර්ථිකය නංවාලීම ශ්‍රී ලංකාවේ ඉල්ලකයයි.
Digiecon-2030 අනුව, ශ්‍රී ලංකාවේ තොරතුරු හා සන්නිවේදන තාක්ෂණ ශ්‍රම බලකාය මෙම වසරේ අවම වශයෙන් 175,000 ක් සහ 2025 වන විට 300,000 ක් විය යුතුයි.
“නමුත් මේ වන විට අපට සිටින්නේ 75,000ක් පමණයි. අපි Digiecon-2030 හි ඉලක්ක සපුරා ගැනීමේ මාවතේ ගමන් කරමින් සිටිමු. නමුත් බුද්ධි ගලනය සැලකිය යුතු බලපෑමක් කර තිබෙනවා”Digiecon-2030 හි ව්‍යාපෘති අධ්‍යක්ෂ ප්‍රසාද් සමරවික්‍රම EconomyNext වෙත පවසා තිබෙනවා.
අභිලාෂකාමී Digiecon-2030 උසස් තාක්‍ෂණය පදනම් කරගත් විසඳුම් උපයෝගී කර ගනිමින් ශ්‍රී ලංකාවේ ඩිජිටල් ආර්ථිකයක් කරා වේගවත් කිරීම අරමුණු කරයි.
“තොරතුරු හා සන්නිවේදන තාක්ෂණ සේවකයින්ගෙන් බහුතරයක් රට හැර යන්නේ වසරක රැකියා පළපුරුද්ද සමඟ ප්‍රධාන වශයෙන් යුරෝපයේ රටවලටයි” සමරවික්‍රම මහතා එසේ සඳහන් කළ බවයි පැවසෙන්නේ.
“දැනට අපට අවම වශයෙන් අමතර ICT සේවකයින් 50,000ක් අවශ්‍ය වන අතර අපගේ ඉලක්ක සපුරා ගැනීම සඳහා අපට ආරම්භකයින් සහ කාර්මික ශිල්පීන් අවශ්‍ය කර තිබෙනවා.” ඔවුන් නොමැතිව ඉලක්කය සපුරා ගැනීම දුෂ්කර වනු ඇති බවයි ඔහු සඳහන් කළේ.
ශ්‍රී ලංකාවේ නවතම යාවත්කාලීන කිරීම් සමඟ තොරතුරු හා සන්නිවේදන තාක්ෂණ විෂයයක් ලෙස ඇතුළත් කිරීම සඳහා ශ්‍රී ලංකාව පාසල් විෂය නිර්දේශය වෙනස් කළ යුතු බවත් රැකියා කළ හැකි තොරතුරු හා සන්නිවේදන තාක්ෂණ සේවකයින් බිහි කිරීම සඳහා වෘත්තීය පුහුණු මධ්‍යස්ථානවල තොරතුරු හා සන්නිවේදන තාක්ෂණ පාඨමාලා වෙනස් කළ යුතු බවත් ඔහු වැඩිදුරටත් පවසා තිබෙනවා
“ පාසල් විෂය නිර්දේශය වෙනස් කිරීමට අවම වශයෙන් වසර හතක්වත් වෘත්තීය පුහුණු පාසල්වලට ඒ සඳහා වසර එකහමාරක්වත් ගත වේවි. ඔවුන් එය වෙනස් කරන තෙක්, අපි යල් පැන ගිය විෂයන් උගන්වමින් සිටිනවා ”ඔහු පවසා තිබෙනවා.
“අපට තොරතුරු හා සන්නිවේදන තාක්ෂණ අංශයේ අධ්‍යාපන ක්‍රමයේ විශේෂ වෙනසක් අවශ්‍යයි. ශ්‍රී ලංකාවේ බිහිවන උපාධිධාරීන්ට පවා කර්මාන්තයේ රැකියා විරහිත තත්ත්වයක් පවතිනවා”
පසුගිය වසරේ අප්‍රේල් මාසයේදී බංකොලොත් භාවය සහ ස්වෛරී ණය පැහැර හැරීම ප්‍රකාශ කිරීමට බලධාරීන්ට බල කළ පෙර නොවූ විරූ ආර්ථික අර්බුදයකට ඇද වැටීමෙන් පසු තොරතුරු හා සන්නිවේදන තාක්ෂණ සේවකයින් විදේශ රටවලට නික්ම යාම මෙම තත්ත්වයට ප්‍රධාන හේතුව ලෙස පෙන්වා දී තිබෙනවා.
තාක්ෂණ අමාත්‍යවරයා ද වන ජනාධිපති රනිල් වික්‍රමසිංහ මහතා අල්ලස හා දූෂණය අවම කර ආර්ථික වර්ධනය වේගවත් කිරීමට ආර්ථිකය ඩිජිටල්කරණය කිරීමට උත්සාහ කරයි.
කෙසේ වෙතත්, බොහෝ රාජ්‍ය අංශයේ සේවකයින් පසුගිය කාලය තුළ ඩිජිටල්කරණයට විරුද්ධ වූ බව ද Economy Next වාර්තාව පෙන්වා දී තිබෙනවා.
