අඩි හතක් උස අලි පැටියෙක් වගේ බර එක්සත් රාජධානියේ යෝධ “බල්ලා”

අඩි 7 අඟල් 2ක් උසැති සහ අලි පැටවෙකුට සමාන බරැති Turkish Malakil වර්ගයේ බලු සුරතලෙක් එක්සත් රාජධානියේ විශාලතම සුනඛයා ලෙස වාර්තා කර තිබේ.

වයස අවුරුදු දෙකක් පමණ වන ‘අබු’ ලෙස හඳුන්වන බලු සුරතලා දිනකට මස් කිලෝග්‍රෑම් 3 ක් අනුභව කරයි. එයට සම්පූර්ණ කුකුළෙක් , සම්පූර්ණ මැකරල් වර්ගයේ මාළුන් 3ක්, බිත්තර දෙකක් සහ අමු මස් ඇතුළත් වේ.

අබු ගේ ආහාර වේල සඳහා ඔහුගේ හිමිකරු වන ඩිලන් ෂෝ දිනකට පවුම් 11 ක් වැය කරන බව සඳහන්. වසරකට පවුම් 4,000 කට වඩා ආහාර සඳහා පමණක් වැය වේ.

අබු ‘යෝධයෙකු’ බඳු වුවත් මෘදු ගති ඇති හෘද්‍යාංගම බල්ලෙකු බව හිමිකරු පවසා ඇත.