ඇෆ්ගන් පිතිකරු තරඟයේ වීරයා සම්මානය ලබාගෙන පාකිස්තානයෙන් පිටුවහල් කළ මව්රටේ මිනිසුන් වෙනුවෙන් කළ කතාව

පාකිස්තානයට එරෙහිව ඊයේ (23) පැවති ලෝක කුසලාන තරඟයේදී සිය කණ්ඩායම සංවේදී ජයග්‍රහණයක් කරා ගෙන ගිය ඇෆ්ගනිස්ථාන පිතිකරු ඊබ්‍රහිම් සද්‍රාන්, තරඟයේ වීරයා සම්මානය තම රටේ ජනතාවට මෙන්ම පාකිස්තානයෙන් පිටුවහල් කරන ඇෆ්ගනිස්ථානුවන්ටද කැප කරන බවට ආන්දෝලනාත්මක ප්‍රකාශයක් කළා.

“පකිස්තානයේ සිට ඇෆ්ගනිස්තානයට යවන ලද පුද්ගලයින් වෙනුවෙන් මට මේ සම්මානය පුද කිරීමට අවශ්‍යයයි” සම්මානය ලබා ගනිමින් සද්‍රාන් පැවසුවා.

සද්‍රාන්ගේ ප්‍රකාශය පැමිණෙන්නේ නොවැම්බර් 1 වනදා වන විට සියලුම ලේඛනගත නොකළ සරණාගතයින්ට රට හැර යන ලෙස පාකිස්තානයෙන් ඉල්ලා සිටින පසුබිමකයි.

මෙම තීරණය පාකිස්තානයේ වෙසෙන ලේඛනගත නොකළ ඇෆ්ගන් සරණාගතයින් මිලියන 1.7 කට ආසන්න සංඛ්‍යාවකට බලපා ඇතැයි පැවසෙනවා.

මෙම නිවේදනය තලේබාන් පාලනය යටතේ පවතින ඇෆ්ගනිස්ථානයේ දැඩි විවේචනයට ලක් වූ අතර කාබුල් එය “පිළිගත නොහැකි” ලෙස නම් කර තිබෙනවා.

සද්‍රාන්ගේ ප්‍රකාශය X සමාජ වේදිකාවේ බොහෝ දෙනෙකුගේ ප්‍රශංසාවට හේතුවුණා.මීට පෙර ශ්‍රී ලංකාවට එරෙහිව ජයග්‍රහණය කිරීමෙන් පසු පාකිස්තාන කඩුලු රකින ක්‍රීඩක මොහොමඩ් රිස්වාන් සිදු කළ පලස්තීන හිතවාදී ප්‍රකාශය සමඟ පවා සංසන්දනය කරනු දක්නට ලැබුණා.

ඇෆ්ගනිස්ථාන ආරම්භක පිතිකරු රහමනුල්ලා ගුර්බාස් (65) සමඟ සද්‍රාන් ආක්‍රමණශීලී ලකුණු 130 ක ආරම්භක සබඳතාවයක් ගොඩ නැගූ අතර එය පාකිස්තානයේ වේගය සහ දඟ පන්දු යැවීමට එරෙහිව ඇෆ්ගනිස්ථානයේ ලකුණු 283 හඹා යාම සංවිධානය කිරීමට උපකාරී වුණා.

Latest News

More like this

ලාරාගේ වාර්තාව නොකැඩූ මෝල්ඩර් ක්‍රිකට් මවිතයට පත් කළ හැටි

ටෙස්ට් ඉනිමක වැඩිම පෞද්ගලික ලකුණු ලබා ගත් බ්‍රයන් ලාරාගේ...

කෝලිලාගේ IPL ජයග්‍රහණ සැමරුම අතරතුර 11 දෙනෙකුට දිවි අහිමි වේ

ඉන්දීය ප්‍රිමිය ලීග් ශූරතාව දිනාගත් රෝයල් චැලන්ජර්ස් බැංගලෝර් කණ්ඩායමේ...

18 වතාවක් උත්සහ කර IPL ජයග්‍රහණය කළ ‘කිං කෝලි’

සමාජ මාධ්‍ය ඔස්සේ මිලියන 300කට අධික අනුගාමිකයන් පිරිසක් විසින්...

ශ්‍රී ලංකා ක්‍රිකට් සභාපතිවරයා ලෙස ෂම්මි සිල්වා නැවත තේරී පත්වෙයි

ශ්‍රී ලංකා ක්‍රිකට් ආයතනයේ 64 වන වාර්ෂික මහා සභා...
error: Content is protected !!