(Lakvahini) – ‘‘මනමාල කතා’’ ගීතය නිකුත් වුණු දවසේ ඉඳන්ම කාංචනා අනුරාධිට ලැබුණේ හිතාගන්නවත් බැරි ප්රතිචාරයක්. ඒ අතරින් ඇයවම පුදුමයට පත් කළේ ජනප්රිය නිළි දිනක්ෂි ප්රියසාද්ගෙන් ලැබුණු වර්ණනාවයි.
‘‘ඔයාගේ ගායනය ගැන රටම දන්නවා. හැබැයි ඔයා ඇතුළේ ඉන්න රංගන ශිල්පිනිය අද තමයි රට දැක්කේ’’ කියලා දිනක්ෂි පැවසූ බව කාංචනා හෙළි කරනවා.
ඒ විතරක් නෙවෙයි! අත්දැකීම් බහුල රංගන ශිල්පියෙකු වන සජිත අනුත්තර සමඟ රඟපෑමටත් ඇයට ලැබුණේ ඉහළම ප්රශංසා. තමන් ඉතා අඩුවෙන් සෑහීමට පත්වෙන කලාකාරිනියක් වුණත්, ‘‘මනමාල කතා’’ නිර්මාණය ගැන නම් උපරිමයෙන්ම සතුටට පත්වුණු බව කාංචනා කියනවා.
නමුත් කතාව මෙතැනින් ඉවර නෑ! 😱
මේ ගීතයෙන් පසුව කාංචනාට රංගනය සඳහා ආරාධනා රැසක්ම ලැබිලා තියෙනවා. දෙමළ චිත්රපටයක ප්රධාන චරිතයක්, හේමාල් රණසිංහ සමඟ රංගනයේ යෙදෙන චිත්රපටයක් වගේම, සජිත සහ කාංචනා යළි එකතු කරන සිනමා නිර්මාණයක් ගැනත් කතාබහක් පවතිනවා කියලා ආරංචියි.
ඒ අතරින් වැඩිම අවධානය දිනාගන්නේ සජිත අනුත්තර ඇයට දුන් විශේෂ පොරොන්දුවයි. ඔහුගේ මීළඟ චිත්රපටයේ ප්රධාන චරිතය සඳහා කාංචනා තෝරාගෙන ඇති බවත් ඇය හෙළි කරනවා.
මෙතෙක් සංගීතය වෙනුවෙන්ම උපන් කෙනෙක් ලෙස තමන් සිතා සිටියත්, දැන් සිනමා ලෝකයත් ඇයව අත නොහරින බවයි පෙනෙන්නේ. ඉදිරියේදී කාංචනා අනුරාධි ගායිකාවක් විතරක් නොවෙයි, ප්රධාන පෙළේ සිනමා තරුවක් ලෙසත් දැකගන්න ලැබේවිද? 🌟🎥