ගුවන් තොටුපළ මඟින් මෙරටට ඇතුළු විය හැකි mpox හෙවත් මන්කි පොක්ස් රෝගීන් හඳුනා ගැනීම සඳහා මුළු රටම ආවරණයය වන පරිදි වැඩපිළිවෙළක් සකස් කර ඇතැයි සෞඛ්‍ය අමාත්‍යාංශය පවසනවා.
එවැනි රෝගීන් වාර්තා වුවහොත් ඔවුන් වෙන්කර ප්‍රතිකාර කිරීම සඳහා කොළඹ බෝවන රෝග විද්‍යායතනයේ පහසුකම් සපයා ඇති බව ලේකම් විශේෂඥ වෛද්‍ය පාලිත මහීපාල මහතා සඳහන් කර තිබෙනවා.
මන්කි පොක්ස් වෛරසය නිසා ඇතිවන මෙම රෝගය ආසාදිත පුද්ගලයකුගේ දේහය තරල, තුවාල ස්පර්ශ වීමෙන් සහ දිගු කාලයක් පුරා ශ්වසන බිඳිතිවලට නිරාවරණය වීමෙන් මෙම රෝගය පැතිර යයි.
එනිසා රෝගය ශීඝ්‍රයෙන් පැතිර යෑමේ අවදානමක් නැතැයි ද සෞඛ්‍ය අමාත්‍යාංශයේ ලේකම්වරයා සඳහන් කර තිබෙනවා.
ආසාදිත පුද්ගලයකු භාවිතා කරන ලද ඇඳ ඇතිරිලි හෝ ඇඳුම් මගින් ද රෝගය පැතිර යෑමේ හැකියාවක් පවතී.
රෝග ලක්ෂණ ලෙස උණ, සමෙහි බිබිළි මතුවීම සහ වසාගැටිති ඉදිමීම දැකිය හැකි බවත් සෞඛ්‍ය අමාත්‍යාංශයේ ලේකම්වරයා වැඩිදුරටත් සඳහන් කරනු ලැබුවා.
