‘සෑම දෙයම නිමවිය හැක නිමේෂයක’.. සේනක බටගොඩ සමුගනී

ශ්‍රී ලාංකේය සංගීතයට “අපි කවුරුද” වැනි නොමියන ගීත නිර්මාණ කිහිපයක් දායාද කළ ගායකයකු සහ සංගීතඥයකු වන සේනක බටගොඩ මහතා අභාවප්‍රාප්ත වී තිබෙනවා.

මියයන විට 66වන වියේ පසු වූ ඒ මහතා රෝගී තත්ත්වයක් හේතුවෙන් ප්‍රතිකාර ලබමින් සිටියදී රාගම රෝහලේදී අද (11) පෙරවරුවේදී අභාවප්‍රාප්ත වුණා.

‘අපි කවුරු ද’, ‘අපි සැනසිල්ලේ’, ‘රස්තා’, ‘අළු යට ගිනි’, ‘හීනවලට පණක් තිබෙනවා’, ‘හොඳ ම දේ’ හා ‘සැනසෙන්නම්’ ඇතුළු ගීත ගණනාවක නිර්මාණකරු වන්නේ ඔහුයි.