හිටපු අමාත්යවරුන් සහ රාජ්ය අමාත්යවරුන් එම අමාත්ය ධුර දැරූ සමයේදී පරිහරණය කළ සියළුම රජයේ නිවාස හා බංගලා වහාම නැවත භාර දෙන ලෙස රාජ පරිපාලන අමාත්යාංශය හිටපු අමාත්යවරුන්ට සහ රාජ්ය අමාත්යවරුන්ට ඊයේ (26) ලිඛිතව දැනුම් දී තිබෙනවා.
එම අමාත්යාංශයේ ආරංචි මාර්ග සඳහන් කළේ හිටපු අමාත්යවරුන් සහ රාජ්ය අමාත්යවරුන් පහළොවකට ආසන්න පිරිසක් රජයේ නිවාස සහ බංගලා භාර දීම සඳහා දැනටමත් විමසීම් කර ඇති බවයි.
හිටපු අමාත්යවරුන්ට සහ රාජ්ය අමාත්යවරුන්ට සහ ආයතන කිහිපයකට රජය ලබා දී තිබූ කොළඹ රජයේ බංගලා ප්රමාණය 50 ක් බවයි සඳහන් වන්නේ.
මේ අතර මාදිවෙල මන්ත්රී නිල නිවාස මහ මැතිවරණය පවත්වන දිනය තෙක් පාවිච්චි කිරීමට පාර්ලිමේන්තු ප්රධානීන් හිටපු මන්ත්රීවරුන්ට අවසර දී තිබෙනවා.
පාර්ලිමේන්තු මැතිවරණය පැවැත්වෙන දිනය හෝ ඊට පසු දින එම නිවාස යළි භාර දිය යුතු බව පාර්ලිමේන්තු ප්රධානීහු සියලුම හිටපු පාර්ලිමේන්තු මන්ත්රීවරුන්ට ඊයේ (26) දැනුම් දී ඇති බව සඳහන්.
පාර්ලිමේන්තු මන්ත්රීවරුන්ට ලබා දී තිබූ සියලු ආකාරයේ දීමනා මුද්රණ ගාස්තුව ඇතුළු සියලු පහසුකම් ද පාර්ලිමේන්තුව විසුරුවා හැරීමත් සමග සමඟ අහෝසි වී ගොස් තිබෙනවා.
