එළැඹෙන මහ මැතිවරණයේ දී සමගි ජන බලවේගය හා එක්සත් ජාතික පක්ෂය එක් කර ප්රබල සන්ධානයක් ගොඩ නැගීම සඳහා මේ වන විට සාකච්ඡා සිදු වෙමින් පවතින බව හරීන් ප්රනාන්දු මහතා පවසනවා.
එම සාකච්ඡාවල අවසාන තීරණය ඉදිරි දින කිහිපය තුළ ලැබෙනු ඇතැයි ඔහු පැවසුවා.
සන්ධාන ගත වීම සඳහා යම් කොන්දේසි පැවතිය ද පසුගිය ජනාධිපතිවරණයේ දෙවැනියට වැඩිම ඡන්ද ප්රමාණයක් ලබා ගත් සජිත් ප්රේමදාස මහතාට අගමැති ධුරය හිමිවීමේ ගැටලුවක් සිය පාර්ශවයට නොමැති බව හරීන් ප්රනාන්දු මහතා සඳහන් කළා.
ඔහු මේ බව කියා සිටියේ මාධ්ය කළ විමසීමකට පිළිතුරු දෙමිනි.
“විපක්ෂය සියලු දෙනාටම එකතු වෙන්න බැරි නම් අනුරටම දීලා දාන එක හොඳයි.රැළි කියන දේවල් තියෙනවා.රැළි කියන දේවල් යනවා.රැළි අපි 69ලක්ෂයක් ඡන්ද ගත්ත වෙලාවෙත් දැක්කා.හොඳ විපක්ෂක් රටේ ඉන්නත් ඕන.ඒකට විපක්ෂයේ සියලු බලවේග එකතු වෙන්න ඕන.ජනතාව තීරණයක් දීලා තියෙනවා.ඒ තීරණයට හිස නවනව වගේම ශක්තිමත් විපක්ෂයකුත් තියෙන්න ඕන.ඒ කණ්ඩායම එකතු වෙන එක තමයි මේ වෙලාවේ වෙන්න ඕන.”
