ටෙලි නාට්ය රංගන ශිල්පියෙක් අයිස් මත්ද්රව්ය ග්රෑම් 10 මිලිග්රෑම් 300ක් ද සමඟ තණමල්විල මූලස්ථාන පොලිසිය විසින් පෙරේදා (05) අත්අඩංගුවට ගනු ලැබුවා.
විසි හයවන වියේ පසු වන මෙම රංගන ශිල්පියා තණමල්විල බලහරුව ප්රදේශයේ පදිංචිකරුවෙකි.
අත්අඩංගුවටගත් සැකකාර නළුවා තලෙයිමන්නාරම ප්රදේශයේදී රුපියල් කෝටි හතරක මත්ද්රව්ය ජාවාරමක් සම්බන්ධයෙන් චෝදනා ලැබූ අයෙකු බවත් අයථා වත්කම් ඉපයීම සම්බන්ධයෙන් ද ඔහුට එරෙහිව නඩුවක් විභාග වෙමින් පවතින බවත් පොලිසිය පවසනවා.
තණමල්විල මූලස්ථාන පොලිස් ස්ථානාධිපතිවරයාට ලැබුණ තොරතුරකට අනුවයි මෙම වැටලීම සිදු කළේ.
සැකකරු පොලිස් අත්අඩංගුවට පත්වෙමින් පසුව මුදාගැනීම සඳහා නීතිඥවරුන් කිහිප දෙනෙකුද පොලිසියට පැමිණ ඇති අතර සැකකරුගේ පාර්ශවය අයකු ස්ථානාධිපතිවරයාට ලක්ෂ දහයක අල්ලස් ඉඳලක් ලබාදීමටද උත්සාහ කර ඇති බව වාර්තා වෙනවා.
අත්අඩංගුවට ගැනුණු සැකකරු ඊයේ වැල්ලවාය මහේස්ත්රාත් අධිකරණය ඉදිරිපත් කිරීමෙන් පසු රැඳවුම් නියෝග ලබාගෙන වැඩිදුර විමර්ශන ආරම්භ කර තිබෙනවා.
