මාතර මහේස්ත්‍රාත් අධිකරණයෙන් ලබාදුන් නියෝගයකට අනුව හිටපු පොලිස්පති දේශබන්දු තෙන්නකෝන් අත්අඩංගුවට ගැනීම සදහා අපරාධ පරීක්ෂණ දෙපාර්තමේන්තුව විසින් ඔහු රැදී සිටි බවට තොරතුරු වාර්තා වූ ස්ථාන 20ක් මේවන විට පරික්ෂාවට ලක් කර තිබෙනවා.
කෙසේ නමුත් එම ස්ථාන කිසිවක ඔහු නොසිටි බවයි පැවසෙන්නේ.
මේ වන විට දේශබන්දු තෙන්නකෝන්හට විදෙස් ගමන් තහනමක්ද පනවා තිබෙනවා.
වැලිගම – පැලෑන ප්‍රදේශයේ හෝටලයක් ඉදිරිපිට සිදුවූ වෙඩි තැබීමට අදාළව හිටපු පොලිස්පති දේශබන්දු තෙන්නකෝන් ඇතුලු 08 දෙනෙකු අත්අඩංගුවට ගෙන අධිකරණයට ඉදිරිපත් කරන ලෙස මාතර මහේස්ත්‍රාත් අධිකරණය පසුගිය සිකුරාදා (28) නියෝග කර තිබුණා.
කෙසේ වෙතත් අධිකරණ නියෝගයක්, සංචාරක තහනමක් තිබියදී හා නිවාස පහක් සෝදිසි කිරීමෙන් පසුව පවා හිටපු පොලිස්පති දේශබන්දු තෙන්නකෝන් සොයා ගැනීමට පොලිසිය අසමත් වී තිබෙනවා.
දේශබන්දු, අත්අඩංගුවට ගැනීමේ ප්‍රමාදය පිළිබඳව විමසීමකට පිළිතුරු දෙමින් මහජන ආරක්ෂක අමාත්‍ය ආනන්ද විජේපාල මහතා ඔහු අත්අඩංගුවට ගැනීමට පොලිසිය පියවර ගනිමින් සිටින බවත් නිවාස පහක් සෝදිසි කළ බවත් සඳහන් කර තිබුණා.
