ශ්රී ලංකාව දේදුනු ජාතියක් බවට පත් කිරීම සඳහා රටට සුවපත් කිරීමේ සහ සමාව දීමේ සත්ය කොමිසමක් අවශ්ය බව ආගමික කටයුතු සහ බුද්ධ ශාසන අමාත්ය සුනිල් සෙනවි අද (17) පාර්ලිමේන්තුවේදී සඳහන් කළා.
සුවපත් කිරීමේ සහ සමාව දීමේ සත්ය කොමිසම පිහිටුවීමේදී තම අමාත්යාංශය ප්රධාන කාර්යභාරයක් ඉටු කරන බවයි ඔහු අවධාරණය කළේ.
ශ්රී ලංකාව දකුණු අප්රිකානු හිටපු ජනාධිපති නෙල්සන් මැන්ඩෙලා කළාක් මෙන් එකිනෙකාට සමාව දිය යුතු බව ඔහු සඳහන් කළා.
“අප්රේල් 21 වන දින ළං වෙමින් පවතින අතර එදින පල්ලිවලට පහර දුන් අයට කිතුනුවන් සමාව දෙනු ඇතැයි අපි අපේක්ෂා කරනවා” 2025 අයවැය යෝජනාවලට අදාළව බුද්ධ ශාසන ආගමික හා සංස්කෘතික කටයුතු අමාත්යාංශයේ වැය ශීර්ෂය කාරක සභා අවස්ථාවේ විවාදයට ගත් අවස්ථාවේදී ඔහු වැඩිදුරටත් කියා සිටියා.
