ඉන්දීය අග්‍රාමාත්‍ය නරේන්ද්‍ර මෝදි මහතාගේ මෙම සතියේ ශ්‍රී ලංකා සංචාරයට පෙර ශ්‍රී ලංකා ආරක්ෂක ආයතන සම්බන්ධීකරණය කිරීම සඳහා ඉන්දියාවේ ඉහළ පෙළේ ආරක්ෂක කණ්ඩායමක් කොළඹට පැමිණ ඇති බව වාර්තා වෙනවා.
අග්‍රාමාත්‍ය මෝදි මහතා 2025 අප්‍රේල් 4 සිට 6 දක්වා ශ්‍රී ලංකාවේ රාජ්‍ය සංචාරයක නිරත වීමට නියමිතය.
ඉන්දීය අග්‍රාමාත්‍යවරයාගේ සංචාරය අතරතුර කොළඹ සහ අනුරාධපුරයේ විශේෂ ආරක්ෂක සහ රථවාහන සැලැස්මක් ක්‍රියාත්මක කරන බවයි වාර්තා වන්නේ.
මෝදි මහතා සිකුරාදා සවස කටුනායක බණ්ඩාරනායක ජාත්‍යන්තර ගුවන්තොටුපළට ගොඩබසිනු ඇතැයි අපේක්ෂා කෙරෙනවා.
ඉන්දීය අග්‍රාමාත්‍යවරයා සමඟ විදේශ කටයුතු අමාත්‍ය, ජාතික ආරක්ෂක උපදේශක, විදේශ ලේකම් සහ අනෙකුත් ජ්‍යෙෂ්ඨ ඉන්දීය නිලධාරීන් ද සහභාගී වෙනවා.
මෙම සංචාරය අතරතුර, අග්‍රාමාත්‍ය මෝදි මහතා ශ්‍රී ලංකා ජනාධිපති අනුර කුමාර දිසානායක මහතා සහ අග්‍රාමාත්‍ය ආචාර්ය හරිනි අමරසූරිය සමඟ කොළඹදී ද්විපාර්ශ්වික සාකච්ඡා පැවැත්වීමට නියමිතය.
ඊට අමතරව, පූජනීය ශ්‍රී මහා බෝධිය වැඳ පුදා ගැනීමට සහ ඉන්දීය රජයේ සහාය ඇතිව ශ්‍රී ලංකාවේ ව්‍යාපෘති කිහිපයක් ආරම්භ කිරීමට මෝදි අනුරාධපුරයට ද පැමිණෙනු ඇතැයි වාර්තා වුණා.
මෝදි කොළඹට පැමිණීමේදී සහ පිටවීමේදී ආරක්ෂක කටයුතු අධීක්ෂණය කරනු ලබන්නේ බස්නාහිර පළාතේ ජ්‍යෙෂ්ඨ නියෝජ්‍ය පොලිස්පති සංජීව ධර්මරත්න මහතා විසිනි. ජනාධිපති ආරක්ෂක අංශය සහ කොළඹ දැනටමත් සිටින ඉන්දීය ආරක්ෂක කණ්ඩායම සම්බන්ධීකරණය කිරීම ඔහු විසින් සිදු කරනු ලබනවා.
මෝදි සහ ඔහුගේ දූත පිරිස ගුවන්තොටුපළ සහ කොළඹ අතර ගමන් කරන විට මෙන්ම කොළඹ සහ අනුරාධපුරයේ අනෙකුත් ස්ථානවලට ළඟාවන අතරතුර මාර්ග කිහිපයක් වරින් වර වසා දමනු ලබන බව සඳහන් ය.
මෙම සංචාරයේදී ආරක්ෂක කටයුතු කෙරෙහි වැඩි අවධානයක් යොමු කිරීම සහතික කිරීම සඳහා පොලිසියට නිශ්චිත උපදෙස් ලබා දී තියෙනවා. ආරක්ෂිත සහ සුමට සිදුවීම්වලදී සියලු පියවරයන් ක්‍රියාත්මක වන බව සහතික කිරීම සඳහා අද (2) ආරක්ෂක පෙරහුරුවක් ද පවත්වනු ලබන බව ආරංචි මාර්ග පවසනවා.
