කොළඹ මහ නගර සභාවේ බලය පිහිටුවීම සඳහා ජාතික ජන බලවේගය මේ වන විට විපක්ෂයේ කණ්ඩායම් සමඟ සාකච්ඡා සිදු කරමින් පවතී.
ජාතික ජන බලවේගයේ අමාත්‍ය විජිත හේරත් එය තහවුරු කරමින් කණ්ඩායම් කිහිපයක් ඒ සඳහා කැමැත්ත පළ කර ඇති බව සඳහන් කරනවා.
රටේ අගනගරය සහ ප්‍රධානතම වාණිජ නගරය ලෙස සැලකෙන කොළඹ ගොඩනැගීමේ ජාතික ජන බලවේගයේ වැඩපිළිවෙලට සහයෝගය දීමට එම මන්ත්‍රීවරු දැනටමත් සූදානම් බවයි විජිත හේරත් මහතා පවසන්නේ.
මේ අනුව පැහැදිලිවම කොළඹ නගර සභාවේ බලය ජාතික ජන බලවේග විසින් පිහිටුවන බවත් පැවසූ ඔහු තවත් පළාත් පාලන ආයතන බොහොමයක මන්ත්‍රීවරුන් පාලනය පිහිටුවීම සඳහා එක්වීමට කැමැත්තෙන් සිටින බවද සඳහන් කර තිබෙනවා.
එම කිසිදු මන්ත්‍රීවරයෙකුට මුදල් දී පාලනයට එකතු කරගැනීමට කටයුතු නොකරන බවයි ඔහු පෙන්වා දෙන්නේ.
