අගමැතිනි හරිනි අමරසූරිය මෙනෙවිය පසුගිය පළාත් පාලන මැතිවරණයේ නිහඬ කාල සීමාව පිළිබඳ කළ ප‍්‍රකාශයක් ආන්දෝලනයට හේතු වුණා.
එම ප‍්‍රකාශය පදනම් කරගෙන ඇයට එරෙහිව පාර්ලිමේන්තුවට විශ්වාසභංග යෝජනාවක් ගෙන ඒමට විපක්ෂ අභ්‍යන්තරයේ කතාබහක් නිර්මාණය වී ඇති බව විශ්වාසදායී මූලාශ‍්‍ර කිහිපයක් අනාවරණය කර තිබෙනවා.
අගමැතිනිය පළාත් පාලන මැතිවරණයේ ප්රචාරණ කටයුතු අවසන් කර නිහඬව ගත කරන කාල සීමාව තුළදීද ප්රචාරණ කටයුතුවල නිරතවන ලෙස වක‍්‍රකාරයෙන් ඉඟි ලබා දෙන ප‍්‍රකාශයට එරෙහිව මෙම විශ්වාසභංගය ගෙන ඒමටයි විපක්ෂය කටයුතු කරමින් සිටින්නේ.
කෙසේ වෙතත් මේ සම්බන්ධයෙන් විපක්ෂයේ සියලූ පක්‍ෂ සමග මෙන්ම සමගි ජන බලවේගය මන්ත‍්‍රී කණ්ඩායම් රැස්වීමේදී ද පුළුල් ලෙස සාකච්ඡුා කළ යුතු යැයි සජබ අභ්‍යන්තර ආරංචි මාර්ග පවසා තිබෙනවා.
අගමැතිවරිය සිදුකළ එම ප‍්‍රකාශය ඔස්සේ මැතිවරණ නීති බරපතල ලෙස උල්ලංඝනය වී ඇති බවයි විපක්ෂයේ පොදු මතය වී ඇත්තේ.
