ඉරාන උත්තරීතර නායක අයතුල්ලා අලි කමේනි ඝාතනය කිරීමේ ඊශ්‍රායල සැලැස්මක් ඇමරිකානු ජනාධිපති ඩොනල්ඩ් ට්‍රම්ප් පසුගිය දින දෙක තුළ අවහිර කළ බව ඇමරිකානු නිලධාරීන් දෙදෙනෙකු උපුටා දක්වමින් රොයිටර් පුවත් සේවය වාර්තා කර තිබෙනවා.
ඊශ්‍රායල හමුදා ඉරාන නායකයා ඝාතනය කිරීමට සැලසුම් කරමින් සිටි බවත් ට්‍රම්ප් එය ප්‍රතික්ෂේප කරනු ලැබූ බවත් අදාළ නිලධාරීන් පවසනවා.
“ඉරාන ජාතිකයන් තවමත් ඇමරිකානුවෙකු මරා දමා තිබේද? නැහැ. ඔවුන් එසේ කරන තුරු අපි දේශපාලන නායකත්වය පසුපස හඹා යාම ගැන කතා කරන්නේවත් නැහැ” එක්සත් ජනපද පරිපාලනයේ ජ්‍යෙෂ්ඨ නිලධාරීන් පැවසු බවයි වාර්තා වන්නේ.
ඊශ්‍රායලය සහ ඉරානය අතර යුද්ධය ආරම්භ වූ දා සිට, ට්‍රම්ප් ඊශ්‍රායල අගමැති බෙන්ජමින් නෙතන්යාහු සමඟ නිරන්තරයෙන් සම්බන්ධතා පවත්වයි.
කෙසේ වෙතත් ඊශ්‍රායල අගමැති නෙතන්යාහු මෙම වාර්තාව ප්‍රතික්ෂේප කර ඇති බව සඳහන්.
ඊශ්‍රායලය කළ යුතු දේ කරන බවත්, එක්සත් ජනපදය ඔවුන්ට හොඳ දේ දන්නා බවත් ඔහු පවසා ඇති බවයි වාර්තා වන්නේ.
