ඊශ්‍රායලය සහ ඉරානය අතර මිලිටරි ගැටුම මධ්‍යයේ ටෙහෙරානයෙන් ඉවත් වන්නැයි එහි මිලියන නවයකට ආසන්න ජනතාවගෙන් ඇමරිකානු ජනාධිපති ඩොනල්ඩ් ට්‍රම්ප් ඉල්ලීමක් කර තිබෙනවා.
ට්‍රම්ප් විසින් මෙම ඉල්ලීම සිදු කරනු ලැබුවේ ඊශ්‍රායල අගමැති බෙන්ජමින් නෙතන්යාහුගේ අනතුරු ඇඟවීම් නැවත අවධාරණය කරමිනි.
“හැමෝම වහාම ටෙහෙරානයෙන් ඉවත් විය යුතුයි!” ට්‍රම්ප් කැනඩාවේ පැවති G7 සමුළුව අතරතුර ඔහුගේ Truth සමාජ මාධ්‍ය ගිණුමේ සටහනක් තබමින් පවසා තිබුණා.
“ඉරානය මා ඔවුන්ට අත්සන් කිරීමට පැවසූ ‘ගිවිසුමට’ අත්සන් කළ යුතුව තිබුණු බවයි ට්‍රම්ප් එහි සඳහන් කර ඇත්තේ. “මොනතරම් ලැජ්ජාවක්ද, මිනිස් ජීවිත නාස්තියක්ද? සරලව කිවහොත්, ඉරානයට න්‍යෂ්ටික අවියක් තිබිය නොහැකියි” එක්සත් ජනපද ජනාධිපතිවරයා පවසා තිබෙනවා.
