එක්සත් ජාතීන්ගේ මානව හිමිකම් පිළිබඳ මහ කොමසාරිස් වෝල්කර් ටර්ක් තෙදින නිල සංචාරයක් සඳහා ශ්‍රී ලංකාවට පැමිණීමට නියමිතය.
ඒ අනුව එළැඹෙන 23 වැනිදා ඔහු ශ්‍රී ලංකාවට පැමිණෙනු ඇති.
විදේශ කටයුතු අමාත්‍යාංශය සඳහන් කරන ආකාරයට මහ කොමසාරිස්වරයා මෙරටට පැමිණෙන්නේ පසුගිය වසරේ විදේශ කටයුතු අමාත්‍ය විජිත හේරත් ජිනීවාහිදී හමුවී සිදු කළ ආරාධනයකට අනුවයි.
මෙසේ එක්සත් ජාතික මහ කොමසාරිස්වරයකු මෙරටට පැමිණෙන්නේ වසර 10කට පසුවය.
මෙම සංචාරය අතරතුර වෝල්කර් ටර්ක් මහතා ජනාධිපතිවරයා අග්‍රාමාත්‍යවරිය විදේශ කටයුතු අමාත්‍යවරයා ඇතුළු පාර්ශව කිහිපයක් ද හමුවීමට නියමිතය
නිල සංචාරය අතරතුර ඔහු මහනුවර, යාපනය, ත්‍රිකුණාමලය ඇතුළු ප්‍රදේශ ගණනාවක සංචාරය කිරීමටද අපේක්ෂාා කරනවා.
මෙරට සංචාරය අතරතුර මහ කොමසාරිස්වරයා මානව හිමිකම් පිළිබඳ විශේෂ සැසි කිහිපයකටද සහභාගී වෙනවා.
