ඉරාන ජනාධිපති ඉබ්‍රාහිම් රයිසිගේ සංචාරය නිමිත්තෙන් ආරක්ෂක විධිවිධාන යටතේ අද (24) පස්වරුවේ කාර්ය බහුල වේලාවන්හිදී පෙර දැනුම්දීමකින් තොරව කොළඹ මාර්ග වසා දැමීම හේතුවෙන් මහජනතාව සහ රථවාහන රියදුරන් මහත් අපහසුතාවයට පත් වුණා.
දැනුම්දීමකින් තොරව මාර්ග වසා දැමීම නිසා කුපිත වූ පිරිස් සිය රථවල හෝර්න් (Horns) නාද කරමින් කෝපය පිට කරනු දක්නට ලැබුණා.
උමා ඔය ව්‍යාපෘතියේ සමාරම්භක අවස්ථාවට ඉරාන නායකයාගේ පැමිණීම නිමිත්තෙන් රජය දැඩි ආරක්ෂක විධිවිධාන සලසා තිබීම ඊට හේතුවයි.
ආරක්ෂක පියවරක් ලෙස කිසිදු පූර්ව දැනුම්දීමකින් තොරව ඔහුගේ රථ පෙළේ ගමනාගමනයට පහසුකම් සැලසීම සඳහා මාර්ග වසා දැමුණු නමුත් ශ්‍රී ලංකාව වෙනුවෙන් පෙනී සිටි මිත්‍ර රටක නායකයාගේ සංචාරයක දී රියදුරන්ගේ එම හැසිරීම රජය අපහසුතාවට පත් කිරීමක් වුණා.
ඉරානය සහ ශ්‍රී ලංකාව දශක ගණනාවක් තිස්සේ විශිෂ්ට සබඳතා භුක්ති විඳි අතර ජාත්‍යන්තර සංසද ගණනාවකදී එකිනෙකා සමඟ සහයෝගයෙන් කටයුතු කර තිබෙනවා.
