සඳුදා රාත්‍රියේ ධවල මන්දිරයේ පැවති සජීවී ජූනිටීන්ත් (Juneteenth) සැමරුම අතරතුර ඇමරිකානු ජනාධිපති ජෝ බයිඩන් මිනිත්තුවකට වැඩි කාලයක් ගල් ගැසී සිටින ආකාරය(Freeze) විදෙස් මාධ්‍ය ගණනාවක් වාර්තා කර තිබෙනවා.
ලබන සතියේ එළැඹෙන ජාතික නිවාඩුවට පෙර පැවති උත්සවය අතරතුර, උප සභාපති කමලා හැරිස් සහ ඇයගේ සැමියා වන ඩග් එම්හොෆ් ඇතුළු සෙසු පිරිස සජීවීව සංගීත කණ්ඩායම සමඟින් නර්තනයේ යෙදෙද්දී ජෝ බයිඩන් ජනාධිපතිවරයාගේ සිරුර අනිච්ඡානුගවම දැඩි වන ආකාරයක් පටිගත වුණු දර්ශනවල දැක්වෙනවා.
එම අවස්ථාවේ ජනාධිපතිවරයා අසල නර්තනයේ යෙදී සිටි පොලිසිය විසින් ඝාතනය කළ කළු ජාතික ජෝර්ජ් ෆ්ලොයිඩ්ගේ සහෝදරයා වන ෆිලෝනිස් ෆ්ලොයිඩ් ට ජනාධිපතිවරයාගේ වෙනස දැනී ඔහු ජනාධිපතිවරයාගේ කරට අතක් දමන ආකාරයත් ඔහුගේ අත මිටි කරමින් ජනාධිපතිවරයාගේ ප්‍රතිචාරයක් බලාපොරොත්තු වන ආකාරයත් එහි දැක්වෙනවා.
මාධ්‍ය වර්තා වැඩි දුරටත් පවසන්නේ මිනිත්තුවකට වැඩි කාලයක් මෙසේ නිශ්චලව සිටි ජනාධිපතිවරයා පසුව එහි සිදු කළ දේශනය අතර ද ඔහුට වචන පැටලුණ බවත් ඔහුගේ කතාව තේරුම් ගත නොහැකි ආකාරයක් දක්නට ලැබුණු බවයි.
පසුගිය සතියේ, Wall Street Journal ජෝ බයිඩන්ගේ සංජානන පරිහානිය පිළිබඳ පුපුරන සුළු වාර්තාවක් ප්‍රකාශයට පත් කළ අතර එය මෑත මාසවල ඉහළ පෙළේ නිලධාරීන් සිය ගණනකට පැහැදිලව දැකගත හැකි වී ඇතැයි සඳහන් කළා.
