වත්මන් ජනාධිපති රනිල් වික්‍රමසිංහ මහතා අගමැති ලෙස කටයුතු කළ 2015-2019 කාල සීමාව තුළ ෆයිබර් ඔෆ්ටික් තාක්ෂණය යොදා ගනිමින් පොළොව යට විශාල හයිවේ එකක් නිර්මාණය කළ බවත් වාහන ධාවනය නොවන එම තාක්ෂණය තේරුම් ගැනීමට තරම් ලංකාව දියුණු වී නැතැයි අමාත්‍ය හරීන් ප්‍රනාන්දු මහතා පවසා තිබෙනවා.
ඔහු මේ බව පවසා ඇත්තේ ජනතා හමුවක් අතරතුර දීය.
තමාට ඩිජිටල් අමාත්‍ය ධුරය මුල්වරට භාට දුන් අවස්ථාවේ “ඩිජිටල්” යන වචනයේ තේරුම පවා දැන නොසිටි බවයි ඔහු පවසා ඇත්තේ.
“ඇමති ධූරය ලැබුණ ගමන් මම කළේ මළලසේකර ඩික්ෂනරිය පෙරළලා ඩිජිටල් කියන වචනේ තේරුම හොයන එක.ඒකෙ තේරුම තිබුනේ ආංකන කියලා.මම මහියංගනේ ගිහින් කියන්න ද මම ආංකන ඇමති කියලා”
ඩිජිටල් යනු ඇඟිලි තුඩට ලෝකයක් රැගෙන ඒම බවයි ඔහු වැඩිදුරටත් සඳහන් කළේ.