මේ වන විට බලයේ සිටින කිසිදු පාර්ශවයකින් පාස්කු ඉරු දින ප්රහාරය පිළිබඳ සාධනීය විමර්ශනයක් සිදුවේයැයි බලාපොරොත්තු තබා ගත නොහැකි වුවත් මේ වන විට ජාතික ජනබලවේගයෙන් ඒ පිළිබඳ වාචික ප්රතිඥාවක් ලැබී ඇති බව අගරදගුරු අති උතුම් මැල්කම් කාදිනල් රංජිත් පියතුමන් ප්රකාශ කර තිබෙනවා.
ඒ සම්බන්ධයෙන් සාකච්ඡා කිරීමට එම පාර්ශවය තමාගෙන් අවස්ථාවක් ඉල්ලා ඇති බවයි අගරදගුරුතුමන් මාධ්ය හමුවකදී ප්රකාශ කළේ.
එම අවස්ථාව ලබා දීමට කටයුතු කරන බවත් එහිදී ඔවුන් එම අවස්ථාවෙන් උපරිම ප්රයෝජන ලබා ගනු ඇති අතරම එහිදී ඉදිරිපත් කරන වැඩපිළිවෙල විමර්ශනය කරන බව ද කාදිනල් හිමිපාණන් මෙහිදී සඳන් කළා.
“එයාල මගෙන් එපොයිමන්ට් එකක් ඉල්ලලා තියෙනවා. මමත් බලාපොරොත්තුවෙන් ඉන්නවා මොකටද ඒගොල්ලො මගේ එපොයිමන්ට් එක පාවිච්චි කරන්නේ කියලා. එයාල වැඩපිළිවෙලක් දුන්නොත් අපි ඒ වැඩපිළිවෙළ විමර්ශනය කරලා බලන්න සුදානම්.
අපි බලාපොරොත්තු වෙනවා එයාල බලයට පත් වූ පසු අපට ලබාදුන් පොරොන්දුව ඉෂ්ට කරයි කියලා. අපි වතාවක් දෙකක් අත පුච්චගත්තා. මම රැවටුණා. සිරස මාධ්ය ජාලය එක්ක කරපු වැඩසටහනක්දිත් මං ඒ ගැන ප්රකාශ කළා.”
