බ්රසීලයේ සාඕ පවුලෝ (Sao Paulo) ප්රාන්තයේදී ගුවන් යානයක් කඩා වැටීමෙන් එහි සිටි පුද්ගලයන් 62 දෙනාම ජීවිතක්ෂයට පත්වී තිබෙනවා.
දේශීය ගුවන් සේවයක් වන Voepass වෙත අයත් යානය Guarulhos ගුවන් තොටුපළ දක්වා පියාසර කරමින් සිටියදී වින්හේදෝ (Vinhedo) නගරයට කඩා වැටුණා.
සමාජ මාධ්යවල සංසරණය වන දර්ශනවල ගුවන් යානය සිරස් අතට කැරකෙවෙමින් කඩාගෙන වැටෙන ආකාරය සටහන් වී තිබෙනවා.
ATR 72-500 යානයේ මගීන් 58 දෙනෙකු සහ කාර්ය මණ්ඩලයේ හතර දෙනෙකු සිට ඇති බවයි ගුවන් සමාගම පවසන්නේ.
අනතුරෙන් දිවි ගලවා ගත් කිසිවකු වාර්තා වී නැහැ.
බ්රසීලයේ ජනාධිපති ලූලා ද සිල්වා (Lula da Silva) විපතට පත් වූවන්ගේ පවුල් සහ හිතමිතුරන් වෙත ශෝකය පළ කල බව වාර්තා වෙනවා.
ජනාධිපතිවරයා විසින් රට තුළ තෙදින ශෝක කාලයක් ප්රකාශයට පත් කර ඇති බව ද සඳහන්.
