සමගි ජන බලවේගයේ පාර්ලිමේන්තු මන්ත්‍රි දොස්තර රාජිත සේනාරත්න හෙට (13 වැනිදා) පෙරවරුවේ ජනාධිපති රනිල් වික්‍රමසිංහට සහයෝගය පළකරමින් ආණ්ඩුවට එකතු වීමට නියමිතව ඇතැයි දේශපාලන ආරංචි මාර්ග පවසනවා.
කොළඹ හුණුපිටිය ගංගාරාම විහාරස්ථානයේ පැවැත්වෙන උත්සවයකදී මන්ත්‍රිවරයා ජනාධිපතිවරයාට සහයෝගය පළකරමින් ආණ්ඩුවට එකතු වීමට සැලසුම් කර ඇති බවයි එම ආරංචි මාර්ග පවසන්නේ.
සිය පාක්ෂියන් ඇතුළු ක්‍රියාකාරීන් පිරිසක් කලුතර හෝටලයකට ගෙන්වා මේ පිළිබඳ විමසීමක් සිදුකර ඇති බව ද වාර්තා වෙනවා.
එහිදී ජනාධිපති රනිල් වික්‍රමසිංහ විසින් ආර්ථිකය ගොඩනැගූ ආකාරය පිළිබඳව මන්ත්‍රිවරයා කරුණු දක්වා ඇතැයි සඳහන්.
