එක්සත් අරාබි එමීර් රාජ්‍යයේ අබුඩාබි බිග් ටිකට් ලොතරැයියේ නව දිනුම් ඇදීමෙන් රුපියල් කෝටි 176 ක (ඩිරාම් මිලියන 20 ක) දැවැන්ත ත්‍යාගය ශ්‍රී ලාංකිකයකුට හිමි වී තිබෙනවා.
එම ත්‍යාග මුදල දිනාගෙන ඇත්තේ තුරෙයිලිංගම් ප්‍රභාගර් නමැති ශ්‍රී ලාංකිකයෙකි.
ඔහු මීට වසර 16 කට පෙර ශ්‍රී ලංකාවේ සිට එක්සත් අරාබි එමීර් රාජ්‍ය වෙත සංක්‍රමණය වූවෙක් වන අතර දැනට ඩුබායි හි සමාගමක අධීක්ෂකවරයෙකු ලෙස සේවය කරයි.
තුරෙයිලිංගම් පසුගිය වසර 5 තුළ ඔහුගේ මිතුරන් 10 දෙනෙකුගෙන් යුත් කණ්ඩායමක් සමඟ බිග් ටිකට් මිලදීගෙන ඇතැයි පැවසේ.
“ජයග්‍රහණය විශාල කම්පනයක් ඇති කළා.අපි තාමත් එයින් ගොඩ ඇවිත් නෑ.මම හිතන්නෙ මේ ජයග්‍රහණය ජීවිතය වෙනස් කරාවි” යැයි ඔහු මාධ්‍ය වෙත පවසා තිබෙනවා.
