කලා ක්ෂේත්‍රයට පැති ගණනාවකින් විශාල මෙහෙයක් ඉටු කරනු ලබන කලාකරුවෙක් වෙන චරිත් අබේසිංහ මහතාගේ කැදැල්ලට මෑතක දී අලුත් සාමාජිකයන් තිදෙනෙක් එක් වුණා.
ඔවුන් තිදෙනාගෙන් දෙදෙනෙකු පුතුන් බවත් එක් අයෙකු දුවක බවත් ඔහු සමාජ මාධ්‍යන්හි සටහනක් යොදමින් පවසා තිබෙනවා.
“මගේ අලුත් අවුරුදු තෑගි කලින්ම ආවා..
අපේ පුතාලා දෙන්නයි දුවයි මේ ලෝකෙට ගේන්න පහුගිය මාස නවය පුරාවට ඔයා කරපු කැපකිරීම් වලට ස්තුතියි. මෙම අනපේක්ෂිත තෑග්ග අපට ආශිර්වාදයක්. දෙවියන් වහන්සේට ස්තුතියි.
අපගේ මිතුරන්ට සහ පවුලේ අයට, අප මුහුණ දුන් අභියෝග පුරාවට ලබා දුන් සහයෝගයට ස්තූතියි. ඔබේ ආදරය සහ දිරිගැන්වීම අපට ලෝකයක්.
උදව් කළ, යාඥා කළ, සැමරූ සහ මඟ පෙන්වීම් ලබා දුන් සියලු දෙනාට ස්තූතියි. ඔබගේ කරුණාව සහ සෙනෙහස ගැඹුරින් අගය කරනවා.
අපේ ලස්සන දරුවන්ගේ ආගමනයත් සමඟ අපේ පවුල් බැඳීම ශක්තිමත් වන නිසා අපි අනාගතය දෙස බලාපොරොත්තුවෙන් හා ආදරයෙන් බලා සිටිනවා.
ඔබ සැමට ආදරෙයි.”