විපක්ෂ නායක සජිත් ප්‍රේමදාස මහතා ඉරාන ජනාධිපති ආචාර්ය ඊබ්‍රහිම් රයිසි හමුවීමෙන් වැළකී සිටි බවට පළ වන වාර්තා සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා විසින් ප්‍රතික්ෂේප කර තිබෙනවා.
එම වාර්තා ප්‍රතික්ෂේප කරමින් ඔහු පැවසුවේ ඉරාන ජනාධිපතිවරයා හමුවීමට විපක්ෂ නායක සජිත් ප්‍රේමදාස මහතාට ඉරාන තානාපති කාර්යාලයෙන් වෙලාවක් නොලැබුණු බවයි.
එමෙන්ම ඉරාන ජනාධිපතිවරයා සමඟ ජනාධිපති රනිල් වික්‍රමසිංහ මහතා විසින් පවත්වනු ලැබූ රාත්‍රී භෝජන සංග්‍රහයට සජිත් ප්‍රේමදාස මහතා සහභාගි නොවීම පිළිබඳව ද ඔහු මෙසේ අදහස් පළ කළා.
“සමගි ජන බලවේගය ඉරාන ජනාධිපතිවරයා හමුවූයේ නැතැයි කියන වැරදි වාර්තා මා නිවැරදි කළ යුතුයි. ඉරාන ජනාධිපතිවරයා හමුවීමට ඉරාන තානාපති කාර්යාලයෙන් අපේ නායකයාට ආරාධනාවක් ලැබුණේ නැහැ. සජිත් ප්‍රේමදාස මහතා කිසිවිටකත් රනිල් වික්‍රමසිංහ මහතා සමඟ ඩිනර්වලට සහභාහී වෙන්නෙ නැති නිසා මේ ඩිනර් එකටත් සහභාගී වුණේ නෑ”