කැලණිය විහාරස්ථානය අසල පිහිටා ඇති හා කැලණිය ප්රාදේශීය ලේකම් කොට්ඨාශයට අයත් ගංවතුර වේල්ල එහි උපරිම සැලසුම් කළ ධාරිතාවයට ළඟා වී ඇති බව වාරිමාර්ග දෙපාර්තමේන්තුව පවසනවා.
වාරිමාර්ග අධ්යක්ෂ ජනරාල් එල්. එස්. සූරියබණ්ඩාර මහතා පවසන්නේ කැළණි ගංඟාව හරහා ජල මට්ටම අඛණ්ඩව ඉහළ යාම හේතුවෙන් මෙම තත්ත්වය ඇති වී ඇති බවයි.
මෙම වේල්ල ආශ්රිතව කිසියම් හෝ කැඩී බ්දී යාමක් සිදුවුවහොත් ඒ පිළිබඳ කඩිනමින් දැනුම් දීමට කටයුතු කරන බව අධ්යක්ෂ ජනරාල්වරයා සහතික වී තිබෙනවා.
එබැවින් මෙම වේල්ල අවට සිටින ජනතාව එම වේල්ල කැඩී බිඳී යාමක් හෝ තවදුරටත් හානි වීමක් සිදුවේද යන්න පිළිබඳ දැඩි අවධානයකින් සිටිය යුතු බවයි ඔහු සඳහන් කරන්නේ.
අධ්යක්ෂ ජනරාල්වරයාට අනුව, නාගලගම් වීදියේ මිනුම් මාපකයේ කියවීම අඩි 8.35 දක්වා ළඟා වී ඇති අතර එය මෑත ඉතිහාසයේ වාර්තා වූ ඉහළම ජල මට්ටමයි.
තවදුරටත් වැඩිවීමක් නොමැතිව ජල මට්ටම් ස්ථාවරව පවතිනු ඇතැයි අපේක්ෂා කරන බව ඔහු තවදුරටත් සඳහන් කර තිබෙනවා.
