ශ්‍රී ලංකා නිදහස් පක්ෂයේ චන්ද්‍රිකා බණ්ඩාරනායක කුමාරණතුංග මහත්මියගේ පාර්ශවයෙන් ඉබි යතුරු දැමූ කාර්යාලයට මෛත්‍රීපාල සිරිසේන මහතාගේ පාර්ශවයෙන් ද ඉබි යතුරු දමා ඇති බව වාර්තා වෙනවා.
ඒ අනුව මෙම පාර්ශව දෙකම නැතිව ශ්‍රී ලංකා නිදහස් පක්ෂයේ ඩාර්ලි පාරේ කාර්යාලය විවෘත කළ නොහැකි තත්ත්වයක් උදා වී තිබෙනවා.
මෙම ඉබි යතුරු අර්බුදය විසඳීමට ඊයේ (09)පාර්ශවයන් දෙකම මරදාන පොලිසිය වෙත කැඳවා තිබුණා.
අදාළ කැඳවීමට අනුව පෙ.ව 10.00වන විට මෛත්‍රීගේ පාර්ශවයේ වැඩ බලන මහ ලේකම් සාරතී දුෂ්මන්ත මිත්‍රපාල මහතා පැමිණිය ද චන්ද්‍රිකාගේ පාර්ශවයෙන් කිසිවකු පැමිණ තිබුණේ නැහැ.